games-me

البرامج والالعاب
 
الصفحة الرئيسيةالرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 انتبه على علامة السؤال وين تحطها وهذا مثال ! - هواش الطلبة

اذهب الى الأسفل 
كاتب الموضوعرسالة
twitter

avatar

المساهمات : 250
تاريخ التسجيل : 03/07/2011

مُساهمةموضوع: انتبه على علامة السؤال وين تحطها وهذا مثال ! - هواش الطلبة   الخميس يوليو 21, 2011 2:15 am

ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة
صلة الرحم ويتذكرون جداتهم وعماتهم وخالاتهم اللي ماشافوهم ولا
يدرون عنهم من أيام مسلسل (أصابع الزمن) وماهو كذا وبس لا وعمات وخالات أمهم
وأبوهم بعد ويدورونهم ويسلمون عليهم وكل وحدة يحبون راسها عشر مرات ويطلع السنع ويسألونها عن صحتها وأحوالها وعيالها وولدها فلان القاطع
اللي لا يمر ولا يسلم ومافيه مانع من استرجاع ذكريات طفولتهم الشقية معها ولو عندهم عمة وإلا خالة من الرضاعة بيدورونها بعد ماراح يقصرون
كيف ممكن أفكر أتزوج إذا كان للحين خبر الزواج ينكتب بهالصيغة العبقرية
احتفل فلان الفلاني بعقد قرانه على كريمة إحدى الأسر ) لاعاد !! بالله عقد)
قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة إحدى
الأسر عشان يعقد قرانه عليها!! جد والله ؟؟ إنت متأكد ؟؟ يعني فعلا ودي أسال
اللي يكتب مثل هالخبر في الجرايد وأقوله هل فيه من وجهة نظرك خيار ثاني
غير إنها تكون كريمة إحدى الأسر؟ يعني بيعقد قرانه على كريمة إحدى
سلالات الزواحف مثلا؟ وإلا يمكن بيعقد قرانه على كريمة سيد قشطة
متى تنتهي ظاهرة زاوية هواة التعارف في المجلات ؟ والحقيقة إن المشكلة
ماهي في رغبتهم في التعارف بحد ذاتها لكن المشكلة الحقيقية إنهم
عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة وإلا الابتسامات الساحرة وإلا النظرات
:الغامضة في الصور والله العظيم إن واحد كاتب عنوانه في مجلة بالشكل هذا
مصرالقليوبية مدينة أبو زعبل البلد شارع البلدشارع السوق!! جوار الزاويةإذا كان هذا عنوان المراسلة أجل عنوان الزيارة وش بيكون
مين ؟؟ سؤال برئ نوجهه لأي أحد يدق جرس البيت لكن عاد الإجابة الأزلية واللي
تصدم براءة سؤالنا في كل مرة هي (افتح) لاحظوا الرابط والعلاقة بين
السؤال والجواب (مين؟ -----> افتح!) والحقيقة أنا فكرت كثير وما لقيت إلا تفسير
واحد من إثنين يا إما كلمة مين معناها وش تبي ؟ أو وش المطلوب ؟ وأنا فاهمها
غلط السنين هذي كلها أو إني فاهمها صح لكن اللي يدق الجرس دايم يكون
!! (اسمه (افتح

هـــل
هل ممكن يجي يوم من الأيام المستحيلة ويتحقق فيه فلم الخيال
العلمي وتقدر البنت تمشي في الشارع في السوق بدون ماتسمع كلام من نوع
ياحلوة يادلوعة أول مرة أشوف قمر على الأرض ) وغيرها من الكلام اللي )
يصنف ضمن فئة الغزل المنتهي الصلاحية هل ممكن يجي اليوم الي تمشي فيه
البنت في الشارع بدون مايناظرونها كأنهم شايفين مخلوق فضائي
مجهول حط على كوكب الأرض في ظروف غامضة
وين ممكن ألقى محل ملابس ما يكون فيه واحد مزعج وملقوف ما يشوفني

ماسكة قطعة ملابس إلا ويباغتني بمفاجأة أغرب من الخيال لا كانت على
!!(البال ولا عالخاطر ولا يمكن يستوعبها أي عقل بشري ويقول لي (فيه مقاسات
!! هااااه !! وش قلت ؟؟ فيه مقاسات !! الملابس صار لها مقاسات !! سبحان الله
فعلا تكنولوجيا!! أكيد إنهم هاليابانيين ماخلوا شي ما اخترعوه حتى
الملابس طلعوا لها مقاسات >>>>تصدق ماكنت أدري....أكيد هذا آخر الدنيا والله إنها
صارت تخوف يالله إن تخرجنا منها مسلمين


_________________






انتو تعرفون ليش دائما في هوشات بين العلمي والادبي ؟؟
عشان في الماضي حصلت هذه الحادثة


قامت وحده من البنات العلمي و قالت
حسبي الله على من تسلط على المسلمين = ضعنا ! و نريد رآيكم يالسامعين
سهرنا الليل ورحنا نقول دارسين = وقلوبنا من الأسئلة حافظين
حفظنا الذهب والفضة وطلعنا خالصين = والفراغات مليناها كلها تخمين
ورحنا للسؤال الثاني على بالنا فاهمين = معادلات مع الأوزان عز الله ضايعين
ما عرفنا من الرموز إلا الماء و الأكسجين= و إلا السؤال الثالث يا من يعين
مسالة ما نعرف لها راس من رجلين=اكتبي الصيغة الوزنية ما حنا عارفين
والقوانين والله يستر على القوانين = تكسرت الالة من الطقطقة ما بقى إلا زرين
والمصيبة مشرفتنا تصرخ يا نايمين = من زود الوناسة شايفتنا قاعدين
سلمنا الأوراق ما فيها صح إلا اثنين = الاسم ورقم الفصل وعلى الباقي مشطبين
وأخرتها سلامتكم يالربع والسالمين = و إذا ما اشتكينا لكم نشتكي لمين
يا ناس أنصفونا من الظالمين = و إلا ترانا أخر السنة من الراسبين

بنات الأدبي تبرعت وحده منهم وردت
من قال لكم تدخلون علمي يالمجانين = هذي هي سوات أيديكم يالفالحين
اسهروا ليلكم مع نهاركم يا الشاطرين = وحنا بنشخر مع النايمين
وحفظ الأدب والمكتبة ومواد الدين = على طول بنجاوب دايم حافظين
قلنا لكم نيوتن و فيثاغورث ميتين = وجعلكم ما تصيرون بأنفسكم فالحين
وأخرتها الله يسلمكم يالسامعين = وان شاء الله نشوفكم مع الراسبين
تنرفزوا بنات العلمي وقالوا :
والله وطلع لكم صوت يالادبي يالخايسين=وان كان على التوهان والله إنكم تايهين
تحطون راسكم براس العلمي يالمساكين=ترى لكم الكرف والبيت وغسل المواعين
اتركو عنكم الحقد مركزنا منتوب واصلين=حنا لنا العلم والمستقبل يالمساكين
وأخرها الله لايسلمكم من البلاء يالمساكين=وأخر السنة ان شاء الله نكون من الناجحين...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انتبه على علامة السؤال وين تحطها وهذا مثال ! - هواش الطلبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
games-me :: المنتدى الـــعــــام :: استراحة الاعضاء وناسة و تسلية غير-
انتقل الى: